Everyone faces feeling low or heartbroken as a part of life. Sad shayari in Roman English helps express those deep emotions beautifully when words fail. These verses speak to what the heart silently feels, whether it’s pain from lost love or loneliness.
Broken heart shayari captures the raw ache of love lost. Sad love shayari explores the bittersweet memories that never fade. Sometimes, we just want to be heard. Alone sad shayari perfectly reflects those quiet moments of solitude and longing.
You can find comfort if you’re searching for words to soothe your soul. This collection of sad shayari in Roman English will help you. Let these heartfelt lines remind you that sadness is natural. Healing slowly begins through poetry.
Heart Touching Sad Shayari in English
Na jaane kyon ye lahrein samandar se takraati hai,
Aur phir samandar mein laut jaati hai.
Kuch samajh nahi paate ki kinaron se bewafai karti hai,
Ya samandar se wafa nibhaati hai.
Tere intezaar mein yeh nazrein jhuki hain,
Tera didaar karne ki chaah jagi hai.
Na jaanu tera naam, na tera pata,
Phir bhi na jaane kyon is paagal dil mein ek ajab si bechaini jagi hai..
Wo kareeb hi na aaye to izhaar kya karte,
Khud bane nishana to shikaar kya karte.
Mar gaye par khuli rakhi aankhen,
Isse zyada kisi ka intezaar kya karte.
Uski baahon mein sone ka
Abhi tak shauk hai mujhko.
Mohabbat mein ujhad kar bhi
Meri aadat nahi badli.
Kahin kisi roz yun bhi hota,
Jo hamari haalat hai wo tumhari hoti.
Jo raat humne guzari tadap kar,
Wo raat tumne bhi guzari hoti.
Yun na barbaad kar mujhe,
Ab to baaz aa dil dukhane se.
Main to sirf insaan hoon,
Patthar bhi toot jaata hai, itna aazmane se.
Chhupa kar dard apni hansi mein,
Main andar se khokhla ho raha hoon.
Kya sun sakta hai tu meri awaaz,
Main aaj bhi sirf tere liye ro raha hoon.
Mujhse jo nazrein churaane lage ho,
Lagta hai koi aur gali jaane lage ho.
Khwaab jo dekhe hum dono ne milke,
Dheere dheere kyon dafnane lage ho.
Humne to dekha hai khud ko kai baar aazma kar,
Aksar log dhokha dete hain kareeb aakar.
Is zamaane ne samjhaya tha lekin dil nahi maana,
Chhod jaoge ek din hume apna bana kar.
Best Sad Love Shayari for Girlfriend
Ae bewafa thaam le mujhko majboor hoon kitna,
Mujhko saza na de main bekasoor hoon kitna.
Teri bewafai ne kar diya hai mujhe paagal,
Aur log kehte hain main magroor hoon kitna.
Ulfat ka aksar yahi dastoor hota hai,
Jise chaho wahi apne se door 😥 hota hai.
Dil tootkar 💔 bikhrta hai is kadar,
Jaise koi kaanch ka khilona choor choor hota hai!
Dil mein har raaz daba kar rakhte hain,
Honto par muskurahat saja kar rakhte hain.
Ye duniya sirf khushi mein saath deti hai,
Isliye hum apne aansuon ko chhupa kar rakhte hain.
Hum duaayein karenge unpar aitbaar rakhna,
Na koi humse kabhi sawaal rakhna.
Agar dil mein chahat ho hume khush dekhne ki,
Bas hamesha muskurana aur apna khyaal rakhna.
Sanam bewafa hai ya
Ye waqt bewafa hai.
Shikwa karu bhi to kis se karu,
Kambakht zindagi bhi to bewafa hai.
Tere jaane ke gham mein ro kar raat guzarti hai,
Aakhir kyon tune mujhe dhokha diya.
Tere bina zindagi ab adhoori si lagti hai,
Kis liye tune mujhe akela chhod diya.
Mohabbat usse karo jo aapse pyaar kare,
Apne aap se bhi zyada aap par aitbaar kare.
Aap usse ek baar do pal ke liye rukne ko to kaho,
Aur un do palon ke liye saari zindagi intezaar kare.
Use paaya nahi lekin usko khona bhi nahi hai,
Uske bagair aansu lekar rona bhi nahi hai.
Pyaar ka rukh nafrat mein kuch is kadar badla,
Ab sochte hain ki uska kabhi hona bhi nahi hai.
Emotional Sad Shayari in English Text
Yaadon mein kisi ka deedar nahi hota hai,
Sirf yaad karna hi pyaar nahi hota hai.
Yaadon mein kisi ki hum bhi tadapte hain,
Bas humse dard ka izhaar nahi hota hai.
Kya karunga uska intezaar karke,
Jab chali gayi wo mujhe barbaad karke.
Socha tha apna bhi ek jahan hoga,
Magar mili sirf tanhai unse pyaar karke.
Tere milne ki aas na hoti,
To zindagi is tarah udaas na hoti.
Mil jaati kabhi tasveer jo teri,
To humko aaj teri talaash na hoti.
Keh kar tum bata nahi sakte,
Pyaar ko apne jata nahi sakte.
Phir kya faayda tumhari dosti ka,
Jab ek bhi wada tum nibha nahi sakte.
Tu kya jaane ki kya hai tanhai,
Toote har patte se poochho ki kya hai judai.
Humko tu kabhi bewafai ka ilzaam na dena,
Tu us waqt se poochh ki mujhe teri yaad kab nahi aayi.
Kabhi sochte the ki aapke saath apni zindagi bitayenge,
Aapke saath reh kar hum bhi muskurayenge.
Kabhi sochte the mohabbat apni chaand ke paar le jayenge,
Lekin kabhi ye nahi socha tha ki aap hume is tarah rulayenge.
Nikle jab aansu uski aankhon se,
To dil karta hai, duniya jala doon.
Phir sochta hoon, honge duniya mein uske kuch apne,
Kahin anjaane mein use dobara na rula doon.
Dard ban kar dil mein chhupa kaun hai,
Rah rah kar ismein chubhta kaun hai.
Ek taraf dil hai aur ek taraf aaina,
Dekhate hain is baar pehle tootta kaun hai.
Guzre hue kai jamaane ke baad bhi,
Dil mein rahi wo chhod ke jaane ke baad bhi.
Pahlu mein reh ke dil nahi diya hai,
Rakha hai usko yaad bhulaane ke baad bhi.
Heartfelt Alone Sad Shayari in English
Jis dil pe chot na aayi kabhi,
Wo dard kisi ka kya jaane.
Khud shamma ko maaloom nahi,
Kyun jal jaate hain parwane.
Dil ka dard ek raaz bankar reh gaya,
Mera bharosa mazaak bankar reh gaya.
Dil ke saudagaron se dillagi kar baithe, shayad
Isliye mera pyaar ek alfaaz bankar reh gaya.
Bas sah sakta hoon is dard ko,
Kehne ko kuch bacha nahi hai.
Uske jaane ke baad zindagi mein,
Ab aur kuch raha nahi hai..
Yaadon mein kabhi aap khoye honge,
Khuli aankhon se kabhi aap bhi roye honge.
Mana hume aadat hai, gham chhupane ki,
Par hanste hue kabhi aap bhi roye honge.
Tere bina zindagi adhoori hai yaara,
Tum mil jao to zindagi poori hai yaara.
Tere saath zindagi ki saari khushiya,
Dusro ke saath hasna to majboori hai yaara.
Parwah karne wale aksar rula jaate hain,
Apna kehkar paraya kar jaate hain.
Wafa jitni bhi karo koi fark nahi,
Mujhe mat chhodna kehkar khud chhod jaate hain…
Khushi mile to baant lenge hum,
Gham ke andheron ko bator lenge hum.
Tum na karna apni aankhon ko nam,
Tere badle ro lenge hum.
Mujhe dil se yun pukara na karo,
Yun aankhon se hume ishara na karo.
Door hoon tujhse majboori hai meri,
Yun tanhaiyon mein mujhe tadpaya na karo.
Nazm likhun aaj koi ye waqt ka takaza hai,
Mere dil ka dard abhi taaza-taaza hai.
Chhalak jaate hain mere aansu mere hi kaagaz par,
Lagta hai ki kalam mein syaahi ka dard zyada hai.
Dil se roye magar hothon se muskara baithe,
Yun hi hum kisi se wafa nibha baithe.
Wo hume ek lamha na de paaye apne pyaar ka,
Aur hum unke liye zindagi luta baithe.
Heartbreaking Hindi Sad Shayari in English
Toot kar bikhar jaate hain wo log,
Mitti ki deewaron ki tarah.
Jo khud se bhi zyada kisi aur se
Mohabbat kiya karte hain.
Na kar tu itni koshishe,
Mere dard ko samajhne ki.
Pehle ishq kar, phir zakhm kha,
Phir likh dawa mere dard ki.
Ek ajeeb sa manzar nazar aata hai,
Har ek aansoo samandar nazar aata hai,
Kahan rakhun main sheeshe sa dil apna,
Har kisi ke haath main patthar nazar aata hai.
Banke ajnabi mile hain zindagi ke safar mein,
In yaadon ko hum mitaayenge nahi,
Agar yaad karna fitrat hai aapki,
To vaada hai hum bhi aapko bhulaayenge nahi.
Tumhari yaad mein Tajmahal to kya,
Saara jahan chhod jaayenge,
Aaj hum par hans lo,
Kal tumhe rota chhod jaayenge…
Bahut khamoshi se guzri ja rahi hai zindagi,
Na khushiyon ki raunak na gamon ka koi shor,
Aahista hi sahi par kat jaayega ye safar,
Na aayega dil mein uske siwa koi aur…
Zubaan khamosh aur aankhon mein nami hogi,
Yahi bas meri daastane-zindagi hogi,
Bharne ko to har zakhm bhar jaayega lekin,
Kaise bharega wo jagah jahan teri kami hogi
Na jaane kya kami hai mujhme,
Aur na jaane kya khubi hai usme,
Wo mujhe yaad nahi karti,
Aur main use bhula nahi paata…
Mohabbat ke bhi kuch andaaz hote hain,
Jagti aankhon ke bhi kuch khwaab hote hain,
Zaruri nahi ke gham mein aansoo hi nikle,
Muskurati aankhon mein bhi shailab hote hain.
Chingaari ka khauf na diya karo mujhe,
Maine apne dil mein dariya bahaye bethi hoon,
Are main to kab se gayi hoti is aag mein,
Lekin maine khud ko aansuon mein bhigoye bethi hoon…
Painful Sad Broken Heart Shayari for Boyfriend
Kaanton si chubhti hai tanhaai,
Angaaron si sulagti hai tanhaai,
Koi aa kar hum dono ko zara hansa de,
Main rota hoon to rone lagti hai tanhaai.
Dard ko dard se na dekho,
Dard ko bhi dard hota hai,
Dard ko zarurat hai dost ki,
Aakhir dost hi dard mein humdard hota hai.
Jaan se zyada pyaar unhein kiya karte the;
Yaad unhein din raat kiya karte the;
Ab un raahon se guzra nahin jaata;
Jahaan baithkar unka intezaar kiya karte the.
Chingaari ka khauf na diya karo hume
Hum apne dil mein dariya bahaaye baithe hai
Are hum to kab ka jal gaye hote is aag mein
Lekin hum to khud ko aansuon mein bhigoye baithe hai
Din hua hai, to raat bhi hogi,
Mat ho udaas, usse kabhi baat bhi hogi.
Woh pyaar hai hi itna pyaara,
Zindagi rahi to mulaqat bhi hogi.
Dukh bhari meri zindagi ko usne
Khushiyon se bhari jannat bana diya
Khuda ne suni meri aisi pukar
Mere dost ko meri maangi hui mannat bana diya
Guzarish hamari woh maan na sake
Majboori hamari woh jaan na sake
Kehte hain marne ke baad bhi yaad rakhenge
Jeete ji jo humein pehchaan na sake
Pyaar sabhi ko jeena sikha deta hai,
Wafa ke naam pe marna sikha deta hai,
Pyaar nahi kiya to karke dekh lo yaar,
Zaalim har dard sahna sikha deta hai.
Hum agar kho gaye to kabhi na paa sakoge,
Hum wahan chale jaayenge jahan kabhi nahi aa sakoge,
Jis din meri mohabbat ka ehsaas ho gaya tumhe,
Pachtaaoge bahut kyunki,
Hum wahan chale jaayenge jahan se phir na bula sakoge.
Soulful Sad Shayari Roman English
Hum to maujood the raat mein ujaalon ki tarah
Log nikle hi nahi dhoondhne walon ki tarah
Dil to kya hum rooh mein bhi utar jaate
Usne chaaha hi nahi chaahne walon ki tarah
Mujhe dard-e-ishq ka maza maloom hai,
Dard-e-dil ki intaha maloom hai,
Zindagi bhar muskurane ki dua mat dena,
Mujhe pal bhar muskurane ki saza maloom hai.
Tujhe mohabbat karna nahi aata,
Aur mujhe mohabbat ke siva kuch nahi aata,
Zindagi jeene ke do hi tareeke hain,
Ek tujhe nahi aata, aur doosra mujhe nahi aata.
Mohabbat karne walon ka muqaddar bura hota hai
Har judaai ka kissa usi se juda hota hai
Kabhi un kitaabon par gaur karke padna
Har mohabbat ka kissa adhoora hota hai
Gham kitna hai hum aapko dikha nahi sakte hai,
Zakhm kitne gehre hai ye aapko dikha nahi sakte hai,
Zara humare in aansuon ko to dekh lo,
Ye aansu gire hai kitne ye hum aapko gina nahi sakte hai.
Khuda kare koi ishq ka shikaar na ho;
Juda apne pyaar se koi pyaar na ho;
Main uske bina zindagi guzaar doon;
Besharte usko kisi se pyaar na ho.
Duniya mein main apni kami chhod jaungi
Raahon par intezaar ki lakeer chhod jaungi
Yaad rakhna ek din mujhe dhoondhte phiroge
Aankhon mein aapke main nami chhod jaungi
Mujhe tujhse koi shikwa ya shikayat nahi,
Shayad mere naseeb mein teri chahat nahi hai,
Meri takdeer likhkar khuda bhi mukar gaya,
Maine poocha to bola ye meri likhawat nahi hai.
Unke ishq ki pehchaan abhi baaki hai,
Naam uska labo par hai aur mujh mein jaan baaki hai,
Woh humein dekh kar munh pher lete hain to kya hua,
Kam se kam unke chehre ki pehchaan to baaki hai.
Tearful 2 line Sad Shayari
Ho talluq to rooh se hi ho,
Dil to aksar bhar hi jaata hai.
Dhokha bhi wahi dete hain,
Jo khud kehte hain ki tum dhokha kabhi mat dena.
Mujhmein saari zindagi akele rehne ka hausla hai,
Magar mere haathon kabhi mohabbat mein
Gaddaari nahi ho sakti.
Nafrat karne wale, teri khata nahi,
Mohabbat hai kya, jab tujhe pata nahi.
Teri yaadon ka karz, mere dil ne chukaaya hai,
Teri bikhri hui yaadein, meri rooh ko sataaya hai.
Pyaar mein aksar aisa hota hai,
Jo sabse zyada love karta hai wahi rota hai.
Ae naseeb zara ek baat to bata,
Tu sabko aazmaata hai,
Ya mujhse hi dushmani hai.
Tumhare liye mit jaane ka iraada tha,
Tum khud hi mita doge socha na tha.
Dil se khelna humein kabhi aaya nahi,
Isliye mohabbat mein sirf dard hi paaya hai.
Sirf sehne wala hi jaanta hai,
Ki dard kitna gehra hai.
Bahut dard deti hai woh saza,
Jo bina khata ke mili ho.
Teri dil ki dhadkane saanse rok deti hain,
Teri yaadein zindagi barbaad kar deti hain.
Kisi par marne se shuru hoti hai mohabbat,
Ishq zinda logon ke bas ki baat nahi.
Hum unki yaad mein hain,
Jinhe hum yaad nahi hain.
Kabhi kabhi naraazgi
Dusron se zyada khud se hoti hai.
Bhula denge hum apna gham saara,
Mila de Rab jo humko tumse dobaara.
Tu yaad kar ya bhool ja,
Tu yaad hai bas ye yaad rakh.
Koi beemar hum sa nahi,
Koi ilaaj tum sa nahi.
Sapno ki duniya mein, hain kai raaz chhupe,
Dil ki dehleezon mein, hain bahut se khwaab.
Conclusion
If these lines touched your heart, then sad shayari in Roman English said what you couldn’t. When words fall short, poetry carries the feelings we try to hide. Let it stay with you like a quiet friend who listens without judgment.
If you’ve ever felt the same, don’t hold back. Share your thoughts, favorite lines, or even your own sad shayari in English in the comments. A few honest words can offer comfort to someone who needs it.